Að skrifa endurminningar

Námskeiðið er ætlað fólki á öllum aldri, jafnt þeim sem skrifa eigin minningar og þeim sem vilja skrifa um annað fólk. Sumir nýta sér námskeiðin fyrst og fremst til að rifja upp minningar en finnst skrifin góð leið til þess á meðan aðrir koma einkum vegna skrifanna en finnst endurminningarnar kjörið viðfangsefni. Enn aðrir koma af því að þeim finnst gaman að skapa í skemmtilegum hópi.

Kennt er í ReykjavíkurAkademíunni, Þórunnartúni 2 (á fjórðu hæð í fundarsal Bókasafns Dagsbrúnar) á mánudögum 24. september. til 15. október kl. 18:00-22:00 (4×4 klst., 16 klst. alls).

Leiðbeinandi: Björg Árnadóttir rithöfundur og ritlistarkennari

Verð: 45.000 kr.

LESIÐ UMMÆLI NEMENDA

GJAFABRÉF FÁST HÉR (tölvupóstur)

KENNSLUÁÆTLUN

Fyrsta ritsmiðja (24. september kl. 18:00-22:00): Fjallað um minnið og hvernig minningar taka breytingum. Gerðar stuttar ritunaræfingar til að hrista upp í heilasellunum og hrista saman hópinn. Margvíslegar kveikjur notaðar til upprifjunar á andrúmslofti, tilfinningum og atburðum. Stuttir textar skrifaðir og ræddir í hópnum.

Önnur ritsmiðja (1. október kl. 18:00-22:00): Ýmsar aðferðir notaðar til að sækja sögur í minnið, deila þeim munnlega og skrifa þær. Rætt um tilfinningalegt og sagnfræðilegt gildi dagbóka og æfingar gerðar sem tengjast dagbókaskrifum. Textar ræddir í hópnum.

Þriðja ritsmiðja (8. október kl. 18:00-22:00): Kynning á ólíkum aðferðum til að skrá minningar. Rætt um ævisagnaritun og sjálfsbókmenntir og um leiðir til að sækja, skrá og geyma minningar annarra eða eigin minningar um aðra. Rætt um bókmenntafræðilegt, sagnfræðilegt og tilfinningalegt gildi þeirrar íslensku bókmenntahefðar sem kallast minningargreinar og þeir þátttakendur sem kjósa deila eigin minningagreinum.

Fjórða ritsmiðja (15. október kl. 18:00-22:00): Síðasti tíminn fjallar að mestu um að þá texta (eða önnur sköpunarverk) sem orðið hafa til á námskeiðinu. Þátttakendur deila verkum sínum með hópnum sem ræðir innihald þeirra og frásagnaraðferð. Umræðan fæðir af sér nýjar minningar og nýja texta sem unnið er með eftir aðstæðum hverju sinni.

KENNSLUMARKMIÐ

  • að þátttakendur læri að nota margvíslegar kveikjur til að rifja upp minningar
  • að þeir þjálfist í að skoða og skrifa um minningar frá mismunandi sjónarhólum og með mismunandi aðferðum.
  • að þátttakendum finnist þeir hafa eflst og styrkst að námskeiði loknu.
  • að lesupplifun þeirra dýpki.

SKRÁNING OG GREIÐSLUUPPLÝSINGAR

Skráðu þig hér að neðan en athugaðu að sætið er ekki tryggt fyrr en greitt hefur verið fyrir það. Nánari upplýsingar um námskeiðið fást hjá Stílvopninu í síma 8996917 eða með tölvupósti bjorg@stilvopnid.is.

Bankanúmer Stílvopnsins: 0133-26-580815. Kennitala: 580815-1380

Greiða með greiðslukorti

 

 

 


Loading Map....

Hvenær?
Date(s) - 24.9.2018 - 14.10.2018
18:00

Hvar?
ReykjavíkurAkademíunni (Bókasafni Dagsbrúnar 4. hæð)

Tegund: No Categories

Skráning

Bookings are closed for this event.