Greinaskrif

GREINASKRIF

Námskeiðið snýst um að koma þekkingu og viðhorfum á framfæri í rituðu máli. Það er ætlað þeim sem:

  • vilja skrifa betri greinar og færslur
  • vilja verða dómbærari á skrif annarra
  • vilja fræðast um leiðir til að birta skrif sín
  • langar til að spegla viðfangsefni sín og efnistök í öðru fólki
  • hafa gaman að því að skapa í skemmtilegum félagsskap

Námskeiðið sækir fólk með mismikla reynslu af að skrifa.

Kennt er í ReykjavíkurAkademíunni, Þórunnartúni 2, 105 Reykjavík (Bókasafni Dagsbrúnar 4. hæð) fös 18. okt. (18:00-22:00), lau. 19. okt. (10:00-14:00) og 20. okt. (10:00-14:00). (3×4 klst, alls 12 klst.).

Leiðbeinandi: Björg Árnadóttir rithöfundur, blaðamaður og ritlistarkennari

Verð: 35.000 kr. Flest stéttarfélög niðurgreiða námskeiðið, athugaðu með þitt.

UMMÆLI UM NÁMSKEIÐ STÍLVOPNSINS

GJAFAKORT FÁST HÉR (tölvupóstur)

 KENNSLUÁÆTLUN

Ritsmiðja 1 (fös. 18. okt. 18:00-22:00): Hrist er upp í hópnum og heilasellunum. Uppbygging greina á mismunandi miðlum skoðuð. Þátttakendum hjálpað að skilgreina þau viðfangsefni sem þeir kjósa að skrifa um, finna á þeim fleti og afmarka lesendahóp sinn. Ákveðnar aðferðir notaðar til að byrja að skrifa drög að grein.

Ritsmiðja 2 (lau. 19. okt. 10:00-14:00): Fjallað um einkenni góðra greina; málfar og stíl, efnisval og efnistök, uppbyggingu og lengd. Ólíkar ritunaraðferðir kynntar og prófaðar. Rætt um æskileg hlutföll staðreynda, skoðana, reynslusagna og tilfinninga í skrifum sem ætluð eru ólíkum hópum og um mismunandi áherslur miðlanna. Stuttar æfingar skrifaðar jafnt og þétt og ræddar í hópnum.

Ritsmiðja 4 (sun. 20. okt. 10:00-14:00): Rætt um öflun heimilda og ólíka notkun heimilda í mismunandi miðlum. Rætt um möguleika á birtingu og hvernig hægt er að undirbúa sig fyrir viðbrögð lesenda. Í námskeiðslok eru drög þátttakenda að greinum rædd á gagnrýninn en uppbyggilegan hátt.

KENNSLUMARKMIÐ

  • að færni þátttakenda við að koma þekkingu sinni og skoðunum á framfæri aukist
  • að þau öðlist leikni í að skilgreina og afmarka viðfangsefni sín
  • að þau átti sig á hvernig nálgast má skrif á ólíkan hátt
  • að þau séu viðbúnir viðbrögðum lesenda
  • að sjálfstraust þátttakenda á sviði ritunar og rökfærslu aukist
  • að lesupplifun dýpki

SKRÁNING OG GREIÐSLUUPPLÝSINGAR

Skrollaðu alla leið niður til að finna skráningarformið en athugaðu að sætið er ekki tryggt fyrr en greitt hefur verið fyrir það námskeiðsgjald að upphæð 35.000 kr. Nánari upplýsingar um námskeiðið fást hjá Stílvopninu í síma 8996917 eða með tölvupósti: bjorg@stilvopnid.is.

Greiðið inn á reikning Stílvopnsins: 0133-26-580815. Kennitala: 580815-1380             

eða

greiðið með greiðslukorti

Greiðslukvittun er afhent í upphafi námskeiðs en fyrr ef þátttakandi óskar.

 

 


Hvenær?
Date(s) - 18.10.2019 - 20.10.2019
0:00

Hvar?
ReykjavíkurAkademíunni (Bókasafni Dagsbrúnar 4. hæð)

Skráning


Scroll to top