Ferð hetjunnar – skapandi skrif (helgarnámskeið, Reykjavík)

Námskeiðið er ætlað þeim sem langar að skrifa sögu en jafnframt læra um hugmynda- og aðferðafræði hetjuferðarinnar (The Hero´s Journey).

Námskeiðið er haldið í ReykjavíkurAkademíunni (Bókasafni Dagsbrúnar á fjórðu hæð), Þórunnartúni 2, 105 Reykjavík kl. fös. 8.mars. kl. 18:00-22:00, lau. 9. mars kl. 10:00-22:00 og sun. 10. mars kl. 10:00-22:00. (3×4 klst., 12 klst. alls)

Verð: 35.000 kr. Flest stéttarfélag niðurgreiða námskeiðið, athugaðu með þitt.

Leiðbeinandi er Björg Árnadóttir sem tekið hefur þátt í sex þjóða Evrópusamstarfi um hetjuferðina sem frásagnaraðferð.

LESIÐ UMMÆLI NEMENDA UM NÁMSKEIÐ STÍLVOPNSINS

FERÐ HETJUNNAR: THE HERO’S JOURNEY

The Hero´s Journey (ferð hetjunnar) er þekkt hugtak í frásagna- og goðsagnafræðum. Margir fræða- og listamenn hafa skoðað og þróað þá hugmynd að flestar sögur heims, jafnt fornar goðsagnir sem bækur og kvikmyndir nútímans, en ekki síst lífssögur allra manna, fjalli um hetju sem stígur inn í heim ævintýrisins, mætir ögrunum og hindrunum, deyr táknrænum dauða en endurfæðist, vinnur sigra, öðlast gjafir og snýr sem umbreytt manneskja aftur til fyrri veruleika.

Bandaríski bókmenntafræðingurinn Joseph Campbell (1904-1987) er þekktastur þeirra sem rannsakað hafa ferð hetjunnar en bók hans The Hero with A Thousand Faces (1949) fjallar um hetjuna í goðsögum heims. Vinur hans, leikhúsmaðurinn Paul Rebilliot (1931-2010) þróaði heildræna aðferð til að vinna á skapandi hátt með ferð hetjunnar og handritshöfundurinn Christopher Vogler (1949) hefur skoðað ferð hetjunnar í skáldsögum og kvikmyndum.

Á námskeiðinu er stuðst við hugmyndir og aðferðir ofangreindra fræði- og listamanna en námskeiðið er að öðru leyti aðlagað þörfum hópsins hverju sinni. Þótt um sé að ræða ritlistarnámskeið snýst það að miklu leyti um ferð hetjunnar innra með hverjum þátttakanda. Ekki þarf að koma á námskeiðið með fastmótaðar hugmyndir um umfjöllunarefni heldur fæðist efnið í hugmyndavinnunni.

KENNSLUÁÆTLUN

Ritsmiðja 1: HEIMUR HINS ÞEKKTA  (fös. 8. mars kl. 18:00-22:00). Hrist er upp í hópnum og heilasellunum með upphitunaræfingum sem tengjast ferð hetjunnar. Byrjað að skrifa stutta texta og þeim deilt í hópnum. Fyrsta ritsmiðjan fjallar um söguhetjuna í daglegu umhverfi hennar áður en hún heyrir og hlýðir kallinu sem hvetur hana til breytinga. Hver er hetjan, hvernig er daglegt líf hennar, hvert er kallið sem hún heyrir og hvað stendur í vegi fyrir að hún hlýði kalli til breytinga?

Ritsmiðja 2: HEIMUR HINS ÓÞEKKTA (lau. 9. mars. kl. 10:00-14:00). Fjallað er um hvað hindrar hetjuna frá því að stíga inn í heim ævintýrisins. Hún berst gegn hindrunum og vinnur sigra sem opna henni leið inn í óþekktan heim þar sem ævintýrin gerast. Skrifað er farartálmana, um  ævintýraheiminn sem opnast, ögranir og hindranir sem þar mæta hetjunni og um þá atburði sem verða hápunktur frásagnarinnar.

Ritsmiðja 3: ENDURKOMAN (sun. 10.mars kl. 10:00-14:00). Fjallað er um ferð hetjunnar tilbaka til fyrri veruleika og endurkomu hennar í land hins þekkta með þá gjöf sem hún hefur þegið. Skrifuð er saga byggð á textum sem orðið hafa til þessu á ferðalagi hetjunnar. Sögunum er deilt í hópnum og rætt um efnivið þeirra og efnistök.

KENNSLUMARKMIÐ

  • að þátttakendur skrifi sögu sem byggir á hetjuferðinni
  • að þátttakendur skoði ferð hetjunnar innra með sér
  • að þátttakendur öðlist aukna færni við ritun skáldskapar
  • að þátttakendum finnist þeir hafa eflst og styrkst að námskeiði loknu.
  • að lesupplifun dýpki.

SKRÁNING OG GREIÐSLUUPPLÝSINGAR

Skráðu þig hér að neðan en athugaðu að sætið er ekki tryggt fyrr en greitt hefur verið fyrir það. Nánari upplýsingar um námskeiðið fást hjá Stílvopninu í síma 8996917 eða með tölvupósti bjorg@stilvopnid.is.

Bankanúmer Stílvopnsins: 0133-26-580815. Kennitala: 580815-1380

Greitt með greiðslukorti

Kvittanir eru afhentar í upphafi námskeiðs en fyrr ef þátttakandi þarf á að halda.

Skrollaðu alla leið niður til að finna skráningarformið!


Loading Map....

Hvenær?
Date(s) - 8.3.2019 - 10.3.2019
0:00

Hvar?
Bókasafn Dagsbrúnar

Skráning

Bookings are closed for this event.

Scroll to top