Skapandi skrif (helgarnámskeið)

Námskeiðið snýst um að skrifa skáldskap. Það er ætlað þeim sem

• eru óvanir að skrifa og vantar hjálp við að byrja
• eru vanir að skrifa en vantar innblástur
• finnst gaman að skapa í skemmtilegum hópi

Kennt er í ReykjavíkurAkademíunni, Þórunnartúni 2 (í Bókasafni Dagsbrúnar á fjórðu hæð)  fös. 13. apríl kl. 18:00-22:00, lau. 14. apríl kl. 10:00-14:00 og sun. 15. apríl kl. 10:00-14:00 (3×4 klst., 12 klst. alls).

Leiðbeinandi: Björg Árnadóttir rithöfundur og ritlistarkennari

Verð: 32.000 ISK

LESIÐ UMMÆLI NEMENDA

GJAFARKORT MÁ KAUPA HÉR (með tölvupósti)

KENNSLUÁÆTLUN

Ritsmiðja 1 (13. apríl 18:00-22:00) Hópurinn hristur saman með stuttum ritunaræfingum. Rætt um ritunarferlið, flæði og rittregðu, og upphitunaræfingar skrifaðar. Grunnur lagður að ritun stuttrar sögu eða hvers kyns texta sem felur í sér persónusköpun og uppbyggingu spennu.

Ritsmiðja 2 (14. apríl. 10:00 -14:00:00) Hópurinn finnur flöt á sameiginlegu viðfangsefni og skoðar söguefnið frá ólíkum sjónarhólum. Í framhaldi af hópverkefninu er fjallað um hlutverk persóna í skáldverkum og einstaklingsæfingar á sviði persónusköpunar og ritunar samtala lögð fyrir.

Ritsmiðja 3 (15. apríl. 10:00-14:00) Unnið með uppbyggingu frásagnar og skrifuð smásaga (eða hvert það form skáldskapar sem þátttakandi kýs). Textum deilt í hópnum, fjallað um form þeirra og inntak og unnið áfram með verkefnið eftir því sem tími gefst til.

KENNSLUMARKMIÐ

• að þátttakendur fái að glíma við persónusköpun og uppbyggingu skáldverks.
• að þeir öðlist aukna færni við ritun skáldskapar.
• að þátttakendum finnist þeir hafa eflst og styrkst að námskeiði loknu.
• að lesupplifun þeirra dýpki.

Greiða á reikning Stílvopnsins 0133-26-580815, kt. 580815-1380

Greiða með greiðslukorti

 

 

 


Loading Map....

Hvenær?
Date(s) - 13.4.2018 - 15.4.2018
18:00 - 14:00

Hvar?
ReykjavíkurAkademían

Tegund: No Categories

Skráning

Bookings are closed for this event.