Skapandi skrif (helgarnámskeið)

Námskeiðið snýst um að skrifa skáldskap. Það er ætlað þeim sem

• eru óvanir að skrifa og vantar hjálp við að byrja
• eru vanir að skrifa en vantar innblástur
• finnst gaman að skapa í skemmtilegum hópi

Kennt er í Bókasafni Dagsbrúnar, Þórunnartúni 2, 105 Reykjavík  fös. 18. jan. 2019 kl. 18:00-22:00, lau. 19.  jan. kl. 10:00-14:00 og sun.20. jan. kl. 10:00-14:00 (3×4 klst., 12 klst. alls).

Leiðbeinandi: Björg Árnadóttir rithöfundur og ritlistarkennari

Verð: 35.000 ISK.

LESIÐ UMMÆLI NEMENDA

KENNSLUÁÆTLUN

Ritsmiðja 1 (18. jan. 18:00-22:00) Hópurinn hristur saman með stuttum ritunaræfingum. Rætt um ritunarferlið, flæði og rittregðu, og upphitunaræfingar skrifaðar. Grunnur lagður að ritun stuttrar sögu eða hvers kyns texta sem felur í sér persónusköpun og uppbyggingu spennu.

Ritsmiðja 2 (19. janúar. 10:00 -14:00:00) Hópurinn finnur flöt á sameiginlegu viðfangsefni og skoðar söguefnið frá ólíkum sjónarhólum. Í framhaldi af hópverkefninu er fjallað um hlutverk persóna í skáldverkum og einstaklingsæfingar á sviði persónusköpunar og ritunar samtala lögð fyrir.

Ritsmiðja 3 (20. janúar 10:00-14:00) Unnið með uppbyggingu frásagnar og skrifuð smásaga (eða hvert það form skáldskapar sem þátttakandi kýs). Textum deilt í hópnum, fjallað um form þeirra og inntak og unnið áfram með verkefnið eftir því sem tími gefst til.

KENNSLUMARKMIÐ

• að þátttakendur fái að glíma við persónusköpun og uppbyggingu skáldverks.
• að þeir öðlist aukna færni við ritun skáldskapar.
• að þátttakendum finnist þeir hafa eflst og styrkst að námskeiði loknu.
• að lesupplifun þeirra dýpki.

Skráning hjá Fræðslumiðstöð Vestfjarða. 


Loading Map....

Hvenær?
Date(s) - 18.1.2019 - 20.1.2019
18:00 - 14:00

Hvar?
ReykjavíkurAkademíunni (Bókasafni Dagsbrúnar 4. hæð)

Tegund: No Categories

Skráning