Ummæli nemenda

 Bjarki Sveinbjörnsson (Að skrifa endurminningar, Reykjavík 2017)                         Ég lauk í gærkvöldi námskeiði í að skrifa endurminningar hjá þessum frábæra kennara. Það var stókostleg upplifun að fá að njóta kennslu hennar og mæli ég eindregið með hennar námskeiðum. (Að skrifa endurminningar, jan. 2017).

 Sigurður Aðalsteinsson (Skapandi skrif, Egilsstaðir 2017)                                    ,,Sæl Björg! Ert þú búin að jafna þig á samverunni með okkur á námskeiði skapandi skrifa í Egilsstaðaskóla? Ég jafna mig altént ekki strax, ég breyttist vegna þess hvað ég lærði mikið og sjálfsttraustið efldist, sem var þó ærið fyrir!“

 Ónefndur nemandi á einkaskilboðum (Skapandi skrif, Reykjavík 2016)               ……mig vantar orð til að draga fram það fallega sem þú gerir á námskeiðunum. Þú leiðir fólk áfram …

Andrea Ævarsdóttir (Skapandi skrif, Grindavík, 2017)                                                 Ég sótti námskeið í skapandi skrifum hjá Björgu af tveimur ástæðum: Annars vegar sem bókasafnskennari, þar sem mig vantar alltaf hugmyndir að efni til að vinna með í bókasafnstímum á miðstigi grunnskólans og hins vegar vegna þess að ég hef gengið með þann draum í huganum að skrifa smásögur fyrir unglinga, en skorti áræðni til að hefjast handa. Ég lærði margt á námskeiðinu sem nýtist mér í báðum þessum tilfellum og get með sanni sagt að ég hef nú þegar komið nokkrum hugmyndum frá Björgu inn í bókasafnskennslu 4.-6. bekkjar og hef lokið við eina örsögu sem vindur vonandi upp á sig og verður að smásögu einhvern daginn. Námskeiðið hentar vel fyrir breiðan hóp fólks, þar sem allir fá að leggja sitt af mörkum, ólíkar raddir og skoðanir fá að heyrast og það þvingar mann til að hugsa út fyrir kassann og sinn reynsluheim. Þetta er námskeið sem er vel þess virði að bjóða upp á fyrir starfsmenn sveitarfélaga, þeim til vaxtar og þroska innan og utan vinnutíma. 

  Ósk Elísdóttir (Að skrifa endurminningar, Skapandi skrif, Reykjavík 2016)                  Ef ykkur langar að kíkja inn á við og finna skáldið sem býr í brjóstinu eða skrá niður sögu ykkar eða annarra þá þarf ekki að leita lengra. Ég fór fyrst á endurminninganámskeið hjá Björgu þar sem hún leiddi hún okkur nemendurna á veg minninganna með frumlegum og skemmtilegum hætti. Andrúmsloftið var afslappað og notalegt og allir nutu sín. Þetta var svo skemmtilegt að næst fór ég á námskeið í skapandi skrifum ásamt flestum hinna. Látlaus og örugg leiðsögn kallaði fram sköpunarkraft og hugmyndir sem við deildum okkar á milli. Ótrúlega, endalaust skemmtilegt!

  Sigríður Ásdís Snævarr (Að skrifa endurminningar, Reykjavík 2016)                             Ég sótti námskeið hjá Björgu nýverið sem verður mér ógleymanlegt og hafði mikil áhrif á mig. Björg gaf okkur óendanlegt frelsi til að skapa en þó  undir styrkri stjórn og hún stuðlaði að því að efla okkur hvert og eitt og kallaði fram það eðlilæga í okkur öllum. Henni tókst að skapa traust innan hópsins, sem var afar fjölbreyttur og á öllum aldri: Allir fengu notið sín.  Það kom mér mest á óvart að hægt væri að ná þessum árangri og sjá þær framfarir sem við blöstu í lok námskeiðsins.  

 María Siggadóttir (Ráðgjöf um ritun, Reykjavík 2017)                                               Eftir  persónulega ráðgjöf hjá Björgu fékk ég byr undir báða vængi með að halda áfram að skrifa. Fékk góða leiðsögn hjá fagmanneskju sem hafði allar útskýringar vel fram bornar. Takk fyrir mig, Björg.

 Magnea Þuríður Ingvarsdóttir (Greinaskrif 2017)                                                     Fór á námskeið í greinaskrifum hjá Stílvopninu í vor. Námskeiðið var vel uppsett og skemmtilegt, helst að það hafi verið of stutt og því ætla ég að skella mér á annað ef það verður í boði. Björg kenndi okkur mismunandi textagerð blaðaskriftar og hvernig best væri að þrengja texta án þess að hann missi innihaldið. Semsagt stutt og laggott námskeið með skemmtilegu fólki. 

  Pálína Erna Ásgeirsdóttir (Skapandi skrif, Reykjavík 2017)                                            Var að ljúka þessu līka frábæra helgarnámskeiði í skapandi skrifum hjá Björgu Árnadóttur. Björg er lifandi og skemmtilegur kennari sem hefur einstakt lag á því að drīfa mann upp úr örugga kassanum sem maður hefur komið sér fyrir í. Þetta var svo skemmtilegt að tíu baukar af C vītamīni og dass af D vítamīni hefði ekki hresst mig eins mikið. Orðið kveikja hefur öðlast meiri dýpt en áður og orðabók Menningarsjóðs mun verða ein af bókunum á borðinu mīnu. Ég hvet alla áhugasama að kynna sér námskeiðin hennar. Þakka þér enn og aftur kæra Björg. Sjáumst síðar!                                                               

  Elín Eyfjörð (Að skrifa endurminningar, 2016, Skapandi skrif 2017)                      Það var með hálfum huga að ég áræddi að skrá mig á námskeiðið Að skrifa endurminningar, Það reyndist góð ákvörðun. Björg Árnadóttir, töfrum gædd, er ekki kennari sem talar yfir nemendunum. Það var eins og hún hafi skrúfað frá krana hjá okkur öllum. Frá fyrstu stundu urðum við samstilltur hópur af vinkonum sem deildum hver með annari í fullkomnu trausti , Björg stýrði og gaf okkur punkta til að kveikja á minningum, kenndi okkur frramsetningu en mest af öllu virkjaði okkur þannig að við unnum eins og hestar, lausar við vanmáttarkennd létum bara allt flakka og hvöttum hver aðra Frábært námskeið, og ég er á leið á framhaldsnámskeið líkt og flestar sem sátu þetta námskeið. 

 Kristín Baldursdóttur, Innri Endurskoðun Landsbankans (Félagsörvun, 2016)              Félagsörvunarnámskeið sem Björg Árnadóttir hélt fyrir starfsmenn Innri endurskoðunar Landsbankans var til þess fallið að tengja liðsmenn, sýna á þeim nýjar og óþekktar hliðar, ýta undir samskipti og efla traust. Námskeiðið var frumlegt og reyndi á skapandi eiginleika liðsmanna. Hópurinn, sem hefur margoft fengið til liðs við sig leikara, markþjálfa og aðra samskiptasnillinga, hafði á orði að vinnan með Björgu hefði verið sú skemmtilegasta sem þau hefðu tekið þátt í með það að markmiði að efla liðsheild hópsins. Þegar frá leið var ljóst að samskipti liðsmanna urðu persónulegri, ágreiningsmál voru rædd af ákafa og hispursleysi en án eftirmála og meiri gleði ríkti í daglegum samskiptum hópsins.”

  Sigrún Ása Sigmarsdóttir (Að skrifa endurminningar 2017)                                              Ég á brjálæðislega góðar minningar um námskeið hjá Björgu og eldinn sem kviknaði í huganum á mér, langaði alls ekki að það kláraðist. Komst að því að endurminningar eru meira en hefðbundnar ævisögur og minningagreinar, þær felast í svo ótal mörgu og birtast í óvæntu formi.

 Áslaug Jóhannesdóttir (Skapandi skrif 2016, Að skrifa endurminningar 2017)    Takk fyrir námskeiðið Björg. Þú byggðir það upp á svo flottan máta og í raun ótrúlegt hvað ég lærði margt á stuttum tíma. Ég hafði ekki mikla trú á mér sem skáldi þegar ég kom en skáldið fæddist í þessu afslappaða og örvandi umhverfi. Sérlega vel gert. 

Bergrún Íris Sævarsdóttir (Skapandi skrif 2016)                                           Námskeiðið kom mér mjög skemmtilega á óvart og gaf mér heilmörg ný tæki til að beisla hugmyndirnar mínar og ydda stílvopnið mitt. Kærar þakkir fyrir áhugaverða kennslu og einlæga og skemmtilega nálgun. 

 Sesselja Konráðsdóttir (Skapandi skrif, Reykjavík 2016)                                              Námskeiðið var ákaflega endurnærandi og gagnlegt. Æfingarnar og verkefnin voru frumleg og skemmtileg. Björg er fagmanneskja á sínu sviði og á auðvelt með að deila reynslu sinni og þekkingu til nemenda. Takk fyrir mig. 

Sigríður Jónsdóttir (Að skrifa endurminningar, Reykjavík 2015)                              Sótti frábært námskeið í ritun endurminninga hjá Stílvopninu. Skipulag og efnistök Bjargar eru fersk og eflandi. Ég hef nýtt mér marga þætti þess sem við lærðum, en það er einmitt það sem var svo skemmtilegt, þ.e. að eignast verkfærakistu sem hægt er að leita í. Og svo er náttúrulega einstakt að vera með mögnuðum manneskjum á svona námskeiði, læra af fólki og sjá inn í sál þess og reynslu. Guðdómleg upplifun. Mæli eindregið með Björgu sem leiðbeinanda. Hún kann að skapa öruggt rými fyrir alla til að vaxa og eflast – og umfram allt, til að tjá sig í skrifum.

 Ragnheiður Ólafsdóttir: (Skapandi skrif, Reykjavík 2016)                                          Ég mæli hiklaust með því að fara á námskeið til Bjargar. Hún er mjög flink í að leyfa nemendum sínum að koma sjálfum sér á óvart. Aðferðir hennar eru í senn skemmtilegar og skapandi, þær ýta undir hugmyndaflug og auka færni manns hratt og örugglega.