SKÖPUNARSMIÐJA

SKÖPUNARSMIÐJA Í NÓVEMBER 2022

Helgarnámskeið 18. – 20. nóvember í Bókasafni Dagsbrúnar, Þórunnartúni 2 (12 klst.)
Kennari: Björg Árnadóttir, ritlistar- og myndlistarkennari, rithöfundur og MA í menntunarfræðum skapandi greina.
Verð: 49.900. Flest stéttarfélög niðurgreiða námskeiðið.

Innihald námskeiðs

Smiðjan er ætluð þeim sem vilja takast á við áskoranir lífsins með skapandi hætti. Hún byggir á hugmyndum um mikilvægi skapandi flæðis í leitinni að lífshamingju og hugmyndinni um þroskaferðalag hetjunnar. Smiðjan er í formi félagsörvunar, samtala og speglunar, sagnamennsku, ritlistar, myndlistar, leiklistar, tónlistar, ritúala, ígrundunar og leiddrar hugleiðslu.

Markmiðið er ekki að skapa áþreifanleg listaverk heldur að skoða hvað gerist hið innra þegar skapað er.

Auk eigin aðferða styðst kennarinn við hugmyndir og aðferðir leikhússmannsins Paul Rebillot um Hetjuferðina (The Call to Adventure – Bringing the Hero´s Journey to Daily Life, 1993) og Juliu Cameron um sköpunarferlið  (The Artist´s Way – A spiritual Path to Higher Creativity, 2005.)

Sköpunarsmiðjan byggir á svipuðum hugmyndum og ritlistarnámskeiðið um Hetjuferðina en er þó mjög ólíkt. Taka má bæði námskeiðin.

Viðtal við Björgu Árnadóttur  í Mannlega þættinum um námskeiðið og fleira sem tengist sköpun

Tilhögun námskeiðs

Fös. 18. nóv. kl. 18:00-22:00: HETJAN OG HINDRANIRNAR
Fjölbreyttar upphitunaræfingar notaðar til að þátttakendur kynnist sjálfum sér og hinum í hópnum, yfirstígi ótta og  hindranir og finni öryggi. Hversdagur hetjunnar, veganesti hennar, verndarvættir og vandamál skoðuð með aðferðum félagsörvunar, lista, hugleiðslu og samtala.

Lau. 19. nóv. kl. 10:00-14:00: HETJAN OG ÆVINTÝRIÐ
Með skapandi aðferðum tekst hetjan á við þroskaverkefnin sem bíða hennar í landi ævintýrisins þar sem allt getur gerst.

Sun. 20. nóv. kl. 10:00-14:00: HETJAN OG GJÖFIN
Hetjan snýr aftur til sín heima, umbreytt eftir ævintýri hinnar skapandi vinnu með þroskagjöf í pokahorninu. Endurkoman og gjöfin skoðuð með samtali og skapandi aðferðum.

Taktu með þér uppáhalds litakassann þinn, lítið hljóðfæri/annan hljóðgjafa og smáhlut sem er þér kær.

Ragna Þóra Karlsdóttir (Sköpunarsmiðja, 2021):

„Sköpunarsmiðjan var mér styrking, gleði, gjöf og gæfa. Ég þekki sjálfa mig betur og er sterkari og öruggari að halda áfram með gleðina að leiðarljósi um komandi daga og ár. Ég vann mig í gegnum áhugaverð og gefandi verkefni með frábæru fólki. Ég hlakka svo til að hafa þessu reynslu með mér út í lífið sem er eitt stórt ævintýri. Kærar þakkir, Björg, og þið dásamlegu samnemendur.”

Skráning og greiðslur

Skráning hér að neðan (vistið lykilorðið til að auðvelda síðari skráningar).
Vandræði með skráningu: bjorg@stilvopnid.is / s. 899 6917

Greiðslurfyrirkomulag og skilmálar hér. 


Hvenær?
Date(s) - 18.11.2022 - 20.11.2022
0:00

Hvar?
ReykjavíkurAkademían

Skráning


Leave a Reply

Your email address will not be published.

Scroll to top