Bataferð hetjunnar

BATAFERÐ HETJUNNAR

Helgarnámskeið um Bataferð hetjunnar 7. – 9. feb. 2020 er aðeins ætlað konum að þessu sinni. (Næsta námskeið verður í Eyjafirði í maí (opið öllum)).

Námskeiðið er ætlað þeim sem vilja takast á við hvers kyns áskoranir í lífi sínu með skapandi aðferðum. Farið er í gegnum hugmyndafræði hetjuferðarinnar (The Hero´s Journey) og hetjuferðin spegluð í hinni þekktu tólfsporaaðferð. 

Unnið er með batann á skapandi hátt með aðferðum lista, samtala og hugleiðslu. Þátttakendur þurfa hvorki að þekkja til hetjuferðarinnar né tólfsporakerfisins heldur einungis að hafa löngun til að skapa í heilandi tilgangi. Ekki er um neins konar meðferð að ræða, engar ráðleggingar gefnar en fólk fær með sköpun sinni tækifæri til að spegla áskoranir lífs sín í samtali við aðra.

Kennt er í Dance Center, Síðumúla 15 (efstu hæð)  fös. 7. feb. kl. 18:00-22:00, lau. 8. feb. kl. 10:00-14:00 og sun. 9. feb. kl. 10:00-14:00.

Leiðbeinandi: Björg Árnadóttir rithöfundur og ritlistarkennari. Lesið hér um reynslu Bjargar af hetjuferðinni. 

Verð: 35.000 kr.. Mörg stéttarfélög niðurgreiða námskeiðið, athugaðu með þitt. 

Nánari upplýsingar í síma 8996917 eða tölvupósti: bjorg@akademia.is

Skráningarformið er að finna neðst á þessari síðu. 

LESIÐ UMMÆLI NEMENDA UM NÁMSKEIÐ STÍLVOPNSINS

UM HETJUFERÐINA:

Hetjuferðin (The Hero´s Journey) er þekkt hugmyndafræði sem oftast er kennd við bandaríska goðsagnafræðinginn Joseph Campbell. Í stuttu máli fjallar hetjuferðin um hetju sem lendir í ævintýrum sem umbreyta henni. Hafðu í huga þegar þú lest eftirfarandi lýsingu að umrædd hetja gæti verið söguhetjan í þínu eigin lífi:

Hetjan er stödd í venjulegu lífi sínu í landi hins þekkta. Allt virðist gott en þó er eitthvað undirliggjandi sem truflar hversdagslegt lífið. Það kemur að því að hetjan heyrir kall til breytinga (en kallið getur birst á afar ólíkan hátt, verið innra kall jafnt sem ytra). Hetjan heyrir kallið en er ekki tilbúin til að hlýða því enda reynir bæði ytra og innra umhverfi hennar að koma í veg fyrir að hún taki breytingum. Það er ekki fyrr en hún hefur horfst í augu við það sem hindrar hana að hún getur hlýtt kallinu og tekið skrefið inn í ævintýrið, land hins óþekkta. Þar mæta henni ögranir og hindranir og á vegi hennar verður fólk og fyrirbæri sem ýmist reyna að hjálpa henni eða hindra. Hetjan tekst á við verkefni sem stundum reynast svo krefjandi að hetjan fellur niður í hyldýpi og deyr þar táknrænum dauða. En eftir slíka eldskírn hefst ferðalag hennar tilbaka til fyrri heimkynna. Hún þarf að fara í gegnum friðþægingu til að ná sáttum og hún öðlast gjöf sem hún tekur með sér aftur til land hins þekkta þar sem fólk fagnar henni sem breyttri manneskju sem bætir samfélagið. Sönn hetjuferð hefur ekki eingöngu umbreytandi áhrif á hetjuna heldur samfélag hennar allt. 

Kannastu við þetta ferðalag? Þá gæti námskeiðið gagnast þér. 

KENNSLUÁÆTLUN

Unnið verður með land hins þekkta, kallið, hindrunarmeistarana, land hins óþekkta, hyldýpið, sáttina, umbreytinguna, gjöfina og endurkomuna í land hins þekkta.  Notaðar eru  margvíslegar skapandi aðferðir; ritlist, myndlist, leiklist, tónlist, hugleiðsla og samtöl.

Fös. 7. feb. kl. 18:00-22:00: Hrist upp í hópnum og hópurinn hristur saman. Hugmynda- og aðferðafræði hetjuferðarinnar kynnt. Unnið með ofangreindum aðferðum að því að skapa hetjuna, kynnast henni í sínu þekkta umhverfi og hjálpa henni að heyra kall til breytinga. Þessi vinna speglar fyrstu þrjú spor  tólfsporakerfisins.

Lau. 8. feb. kl. 10:00-14:00: Þátttakendum hjálpað að horfast í augu við hindranir til að geta stígið inn í heim hins óþekkta ævintýris. Stígið inn í ævintýrið og unnið á skapandi hátt með ögranir og hindranir sem verða á vegi hetjunnar (spor 4-6) ásamt friðþægingu og fyrirgefningarvinnu (spor 7-9).

Sun. 9. feb. kl. 10:00-14:00: Hetjan kemur umbreytt aftur heim í þekkt umhverfi sitt. Unnið með gjafirnar sem henni hlotnuðust í hetjuferðinni og rætt um hvernig hetjan deilir gjöfum sínum með öðrum (spor 10 – 12).

SKRÁNINGAR OG GREIÐSLUUPPLÝSINGAR

Skráning hér að neðan. Athugið að sætið er ekki tryggt fyrr en greitt hefur verið námskeiðsgjald að upphæð 35.000 kr. á reikning Stílvopnsins: 0133-26-580815, kt. 580815-1380 eða með greiðslukorti

Greiðslukvittun er afhent við upphaf námskeiðs en fyrr ef þátttakandi þarf á að halda.

 

 

 


Hvenær?
Date(s) - 7.2.2020 - 9.2.2020
0:00

Hvar?
Dance Center

Skráning

Bookings are closed for this event.

Scroll to top