ENDURMINNINGASKRIF

ENDURMINNINGASKRIF Í NÓVEMBER 2022

Mánudagar 31. okt. kl. 18:00-22:00 í Bókasafni Dagsbrúnar, Þórunnartúni 2 (16 klst.).
Leiðbeinandi: Björg Árnadóttir, ritlistarkennari og rithöfundur.
Verð: 59.900. Flest stéttarfélög niðurgreiða námskeiðið.

Innihald námskeiðs

Margvíslegar kveikjur eru notaðar til að vekja minningar og ólíkar aðferðir kynntar til að skrá þær: dagbækur, minningargreinar, ævisögur og -þættir, skráning viðtala, sjálfsögur, samfélagsmiðlar, hlaðvörp og fleira. Fólk sækir námskeiðið ýmist til að rifja upp eigið líf eða skrifa um líf annarra. Sum koma einkum til að muna og minnast en önnur af því að þeim finnst endurminningarskrif ágæt leið til að kynnast ólíkum frásagnaraðferðum. Námskeiðið er ekki fagnámskeið um ævisagnaritun heldur nærandi og fræðandi samvera fólks á öllum aldri. Þó gagnast námskeiðið ævisagnaritunum í leit að innblæstri. Endurminningar spyrja ekki um aldur og því er aldursbil þátttakanda oft um fimmtíu ár sem eykur sannarlega gildi samverunnar.

Tilhögun námskeiðs

Mán. 31. okt. kl. 18:00-22:00: UPPHITUN
Hópurinn kynnist og kyndir undir rithæfninni með stuttum æfingum. Kveikjur eru notaðar til að rifja upp og byrja að skrifa um eigið líf eða annarra.

Mán. 7. nóv. kl. 18:00-22:00: DAGBÆKUR OG VIÐTÖL
Fjallað um nota- og heimildagildi dagbóka og ólíkar aðferðir við dagbókaskrif kynntar. Fjallað um viðtöl og ýmsar leiðir við úrvinnslu þeirra. Rætt um mismunandi leiðir til birtingar skrifa sem byggjast á endurminningum.

Mán. 14. nóv. kl. 18:00-22:00: MINNINGARORÐ OG SKRIF UM ANNAÐ FÓLK
Minningargreinar, sú séríslenska bókmenntagrein, er krufin og þær breytingar sem orðið hafa á þeim í áranna rás. Fjallað um vandann sem fylgir því að skrifa um annað fólk. Þau sem eiga minningarorð í fórum sínum deila þeim með hópnum. Einnig er fjallað um heimildaleit og notkun heimilda í endurminningaskrifum.

Mán. 21. nóv. kl. 18:00-22:00: ÚRVINNSLA
Þar sem námskeiðið litast af hugðarefnum þátttakenda hverju sinni snýst lokakvöldið um að deila skrifum og hugmyndum sem kviknað hafa á námskeiðinu. Áfram er haldið að þróa hugmyndir með samtali og frekari skrifum.

Ekki er lögð fyrir heimavinna en þátttakendur grúska að lyst milli skipta.

Sigríður Jónsdóttir (Endurminningar 2016):

„Og svo er náttúrulega einstakt að vera með mögnuðum manneskjum á svona námskeiði, læra af fólki og sjá inn í sál þess og reynslu. Guðdómleg upplifun. Björg kann að skapa öruggt rými fyrir alla til að vaxa og eflast – og umfram allt, til að tjá sig í skrifum.” 

Skráning og greiðslur

Skráning hér að neðan (vistið lykilorðið fyrir síðari skráningar). Reikningur að upphæð 59.900 kr. kemur í heimabanka en einnig má greiða með greiðslukorti

Endurgreiðsluskilmálar. 

Vandræði með skráningu/greiðslu: bjorg@stilvopnid.is / s. 899 6917. Reikningsnúmer: 0133-26-580815 / kt. 580815-1380

 

 


Hvenær?
Date(s) - 31.10.2022 - 21.11.2022
0:00

Hvar?
ReykjavíkurAkademían

Skráning


Scroll to top