Endurminningaskrif

Námskeiðið er staðbundið. 

Á námskeiðinu eru notaðar margvíslegar kveikjur til að vekja minningar, ræða þær og skrifa um þær. Skoðuð eru ólík form endurminningaskrifa; dagbækur, minningargreinar, ævisögur, sjálfssögur, viðtöl og fleira. Þátttakendur þjálfast í að  skrifa um eigin minningar og annarra frá ólíkum sjónarhólum og með margvíslegum hætti. Sum koma einkum til að rifja upp og ræða minningar sínar en önnur til að láta drauminn um að skrifa rætast – og sum eru þegar byrjuð að grúska í ættarsögunni eða skrá endurminningar með skipulögðum hætti. Þátttakendur eru á öllum aldri enda spyrja endurminningar ekki um aldur. Það er gaman að rifja upp, skrifa og skapa í skemmtilegum hópi.

Kennt er í ReykjavíkurAkademíunni, Þórunnartúni 2 á fimmtudögum 22. okt. – 12. nóv. kl. 18:00-22:00 (4×4 klst., 16 klst. alls). Sóttvarnir eru virtar og námskeiðið flutt á netið ef nándarreglur breytast.

Leiðbeinandi: Björg Árnadóttir rithöfundur og ritlistarkennari. Nánari upplýsingar í síma 8996917 og hjá bjorg@stilvopnid.is 

Verð: 48.000 kr. Flest stéttarfélög niðurgreiða námskeiðið, athugaðu með þitt.

UMMÆLI UM NÁMSKEIÐ STÍLVOPNSINS

NÁMSKEIÐSLÝSING

Fyrsta ritsmiðja (22. okt. kl. 18:00-22:00): Fjallað um minnið og hvernig minningar taka breytingum. Gerðar stuttar ritunaræfingar til að hrista upp í heilasellunum og hrista saman hópinn. Margvíslegar kveikjur notaðar til upprifjunar á andrúmslofti, tilfinningum og atburðum. Stuttir textar skrifaðir og ræddir í hópnum.

Önnur ritsmiðja (29. okt. kl. 18:00-22:00): Ýmsar aðferðir notaðar til að sækja sögur í minnið, deila þeim munnlega og skrifa þær. Rætt um tilfinningalegt og sagnfræðilegt gildi dagbóka og æfingar gerðar sem tengjast dagbókaskrifum. Textar ræddir í hópnum.

Þriðja ritsmiðja (5. nóv. kl. 18:00-22:00): Kynning á ólíkum aðferðum til að skrá minningar. Rætt um ævisagnaritun og sjálfsbókmenntir og um leiðir til að sækja og skrá minningar annarra eða eigin minningar um aðra. Rætt um bókmenntafræðilegt, sagnfræðilegt og tilfinningalegt gildi þeirrar íslensku bókmenntahefðar sem kallast minningargreinar og þátttakendum býðst að deila minningagreinum sem þau hafa skrifað.

Fjórða ritsmiðja (12. nóv. kl. 18:00-22:00): Síðasti tíminn fjallar að mestu um að þá texta (eða önnur sköpunarverk) sem orðið hafa til á námskeiðinu. Þátttakendur deila verkum sínum með hópnum sem ræða innihald þeirra og frásagnaraðferð. Umræðan kveikir nýjar minningar og fæðir af sér nýja texta sem unnið er með eftir aðstæðum hverju sinni.

SKRÁNING OG GREIÐSLUUPPLÝSINGAR

Athugið að sæti er ekki tryggt fyrr en greitt hefur verið fyrir það. Vinsamlegast greiðið námskeiðsgjaldið,  48.000 kr.,  á reikning Stílvopnsins 0133-26-580815, kennitala 580815-1380 eða með greiðslukorti

Greiðslukvittun er afhent í upphafi námskeiðs en fyrr ef þátttakandi óskar.


Hvenær?
Date(s) - 22.10.2020 - 12.11.2020
0:00

Hvar?
ReykjavíkurAkademían

Skráning


Scroll to top