SKAPANDI SKRIF Í SEPTEMBER 2022
Helgarnámskeið 30. sept. – 2. okt. í Bókasafni Dagsbrúnar, Þórunnartúni 2 (12 klst.).
Kennari: Björg Árnadóttir, ritlistarkennari, rithöfundur og blaðamaður.
Verð: 49.900 kr. Flest stéttarfélög niðurgreiða námskeiðið, athugaðu með þitt.
Innihald námskeiðs
Hópurinn er leiddur í gegnum helstu þætti sagnaritunar með stuttum æfingum. Mikil vinnsemi ríkir á þessu hnitmiðaða helgarnámskeiði og í lokin hafa allir skrifað drög að smásögu. Námskeiðið hentar jafnt byrjendum sem útgefnum höfundum enda geta allir lært af skapandi samskiptum við aðra. Það er líka upplagt fyrir þau sem langar fyrst og fremst til að njóta þess betur að lesa.
Fyrirkomulag námskeiðs
Fös. 30. sept. kl. 18:00-22:00: UPPHITUN OG KVEIKJUR
Hrist upp í hópnum og heilasellunum og hann hristur saman með stuttum ritlistaræfingum. Rætt um ritunarferlið og æfingar gerðar til að auka flæðið. Kveikjur notaðar í því skyni að hver og einn byrji að skrifa eigin sögu.
Lau. 1. okt. kl. 10:00-14:00: PERSÓNUR
Þátttakendur finna í sameiningu flöt á ákveðnu umfjöllunarefni og skrifa um það frá sjónarhóli mismunandi sögupersóna. Rætt um hlutverk persóna í bókmenntum og persónusköpun æfð. Skrifað og skrafað um skáldaðar persónur sem birtast á blaðsíðum bóka.
Sun. 2. okt. kl. 10:00-14:00: UPPBYGGING OG FORM
Fjallað um og unnið með uppbyggingu og form, framvindu og spennu. Drög að smásögu skrifuð og rætt um þau í hópnum enda er höfundum hollt að ræða um eigin verk og annarra.
Bergrún Íris Sævarsdóttir (Skapandi skrif 2016)
„Námskeiðið kom mér mjög skemmtilega á óvart og gaf mér heilmörg ný tæki til að beisla hugmyndirnar mínar og ydda stílvopnið . Kærar þakkir fyrir áhugaverða kennslu og einlæga og skemmtilega nálgun.”
Skráning og greiðslur
Skráning hér að neðan (vistið lykilorðið vegna síðari skráninga). Reikningur að upphæð 49.900 kr. kemur í heimabanka en einnig má greiða með greiðslukorti.
Vandræði með skráningu/greiðslu: bjorg@stilvopnid.is / s. 899 6917. Reikningsnúmer: 0133-26-580815 / kt. 580815-1380.
Hvenær?
Date(s) - 30.9.2022 - 2.10.2022
0:00
Hvar?
ReykjavíkurAkademíunni (Bókasafni Dagsbrúnar 4. hæð)