Hetjuferðin – staðbundin ritsmiðja

Námskeiðið er staðbundið en einnig er í boði fjarkennt námskeið um hetjuferðina

Ritsmiðja með aðferðum Hetjuferðarinnar (The Hero´s Journey)

Hetjuferðin er þekkt hugtak í frásagnarfræðunum. Margir hafa skoðað og þróað þá hugmynd að flestar sögur heims – jafnt fornar goðsagnir sem og bækur og kvikmyndir nútímans en ekki síst lífssögur allra manna – fjalli um hetju sem stígur inn í heim ævintýrisins. Þar mætir hún ögrunum og hindrunum, deyr táknrænum dauða en endurfæðist, vinnur sigra og öðlast gjafir sem hún snýr með sem umbreytt manneskja aftur til sín fyrri veruleika. Í alvöru hetjuferð gagnast gjafir hetjunnar samfélaginu hennar öllu. Nánar um hetjuferðina

Ritsmiðjan um hetjuferðina er haldin í ReykjavíkurAkademíunni (Þórunnartúni 2, 105 Reykjavík) á mánudögum 2.-23. nóv. kl. 18:00-22:00 (4×4 klst, 16 klst. alls). Sóttvarnir verða virtar og námskeiðið flutt á netið ef nándarviðmið breytast. 

Leiðbeinandi: Björg Árnadóttir rithöfundur og ritlistarkennari. Nánari upplýsingar: 8996917 eða bjorg@stilvopnid.

Verð: 48.000 kr. Mörg stéttarfélag niðurgreiða námskeiðið, athugaðu með þitt. 

Ummæli um Hetjuferðarnámskeiðin

KENNSLUÁÆTLUN

Fyrsta ritsmiðja: HEIMUR HINS ÞEKKTA (mán. 2. nóv.). Hrist upp í hópnum með upphitunaræfingum og hugmyndin um hetjuferðina kynnt. Stuttir textar skrifaðir og skoðaðir. Fjallað um söguhetjuna í daglegu umhverfi sínu áður en hún hlýðir kallinu til ævintýrisins. Hver er hetjan og hvernig er daglegt líf hennar? Hvert er kall hennar til breytinga og hvað stendur í vegi fyrir að hún stígi inn í heim ævintýrisins?  

Önnur ritsmiðja: HEIMUR HINS ÓÞEKKTA (mán. 9. nóv.). Hvað hindrar hetjuna á vegferð hennar? Hvernig berst hún gegn hindrunum sínum og tekst á við ögranirnar í heimi ævintýrisins. Hvernig tekst hetjan á við friðþægingarferlið sem færir henni gjöfina? Ýmsar æfingar og kveikjur eru notaðar til að skrifa um farartálma og sigra hetjunnar á ferð sinni.

Þriðja ritsmiðja: ENDURKOMAN (mán. 16. nóv.). Fjallað er um ferð hetjunnar tilbaka til fyrri veruleika og endurkomu hennar í land hins þekkta með þá gjöf sem hún hefur þegið og deilir með samfélagi sínu.

Fjórða ritsmiðja: NIÐURSTÖÐUR (mán. 23. nóv. kl. 12:00-22:00). Unnið er frekar með þær hugmyndir og þá texta sem orðið hafa til í fyrri ritsmiðjum. Sögunum er deilt með hópnum sem ræðir um efnivið og efnistök. Spjallað um þann þroska sem hetjur og höfundar taka út á námskeiðinu. 

SKRÁNING OG GREIÐSLUUPPLÝSINGAR

Athugið að sætið er ekki tryggt fyrr en greitt hefur verið fyrir það, 48.000 kr., á reikning Stílvopnsins: 0133-26-580815, kennitala: 580815-1380 eða með greiðslukorti

Greiðslukvittanir eru afhentar í upphafi námskeiðs en fyrr ef þátttakandi óskar.

 


Hvenær?
Date(s) - 2.11.2020 - 23.11.2020
0:00

Hvar?
ReykjavíkurAkademíunni (Bókasafni Dagsbrúnar 4. hæð)

Skráning


Scroll to top