SKAPANDI SKRIF (VESTMANNAEYJAR)

Skapandi skrif 
Staðbundið helgarnámskeið í Vestmannaeyjum
Leiðbeinandi: Björg Árnadóttir, rithöfundur, ritlistarkennari og MA í menntunarfræðum skapandi greina.
Kennt er hjá Visku, Ægisgötu 2, Vestmannaeyjum helgina 22. – 24. október (12 klst. alls)
Verð. 35.000. Flest stéttarfélög niðurgreiða námskeiðið.

Efni námskeiðs

Á þessu hnitmiðaða helgarnámskeiði ríkir mikil vinnusemi og margvíslegar kveikjur eru notaðar til að koma þátttakendum af stað við skrif sín. Skrifuð eru drög að smásögu en þó geta æfingarnar einnig nýst þeim sem einkum hafa áhuga á ljóðlist eða leikritun. Námskeiðið er ætlað byrjendum sem vilja komast yfir óttann við auða blaðið en einnig lengra komnum sem vantar andagift.

Tilhögun námskeiðs

Fös. 22. okt. kl. 18:00-22:00: UPPHITUN
Hrist er upp í hópnum og hugmyndafluginu með stuttum ritlistaræfingum. Þátttakendur venjast því að skrifa, skálda og deila skrifum sínum með öðrum. Drög eru lögð að sögunni sem skrifuð verður um helgina.

Lau. 23.okt. kl. 10:00-14:00: PERSÓNUR
Unnið er samvinnuverkefni um ólíka sjónarhóla í frásögnum en að því búnu skapa þátttakendur eigin sögupersónur. Skrifað og skrafað um skáldaðar persónur.

Sun.24. okt. kl. 10:00-14:00. FORM OG UPPBYGGING
Fjallað um form og uppbyggingu smásagna og verkefni þar að lútandi leyst.. Þátttakendur deila sögu sinni með hópnum og æfast í að gefa og þiggja uppbyggilega rýni. Skrifað og skrafað, hlegið, hugsað, og hugað að framtíða skrifum. 

Nánari upplýsingar: bjorg@stilvopnid.is / s. 899 6917
Skráning hjá Visku, Vestmannaeyjum, skráningarupplýsingar væntanlegar. 

Námskeið Stílvopnsins byggjast á félagsnámi þar sem allir læra af úrlausnum hinna en einnig má fara yfir námsefnið í  einkatímum (í eigin persónu eða á netinu). Hafðu samband og við finnum út hvað hentar þér: bjorg@stilvopnid.is s. 899 6917.

 

 


Hvenær?
Date(s) - 22.10.2021 - 24.10.2021
17:00 - 14:00

Scroll to top