Þekking, reynsla og skoðanir í rituðu máli

Helgarnámskeið um greina- og færsluskrif  20 – 22. mars 2020. 

Þátttakendur þjálfast í að koma þekkingu sinni, reynslu og viðhorfum á framfæri við almennan lesendahóp. Það er ætlað þeim sem vilja:

  • skrifa betri greinar og færslur
  • verða dómbærari á greina- og færsluskrif annarra
  • fræðast um leiðir til að birta skrif sín
  • spegla viðfangsefni sín og efnistök í öðru fólki
  • skapa í skemmtilegum félagsskap

Námskeiðið sækir fólk með mismikla reynslu af að skrifa.

Kennt er í ReykjavíkurAkademíunni, Þórunnartúni 2, 105 Reykjavík (Bókasafni Dagsbrúnar 4. hæð) fös 20. mars (18:00-22:00), lau. 21. mars (10:00-14:00) og 22. mars (10:00-14:00). (3×4 klst, alls 12 klst.).

Leiðbeinandi: Björg Árnadóttir rithöfundur, blaðamaður og ritlistarkennari

Verð: 35.000 kr. Flest stéttarfélög niðurgreiða námskeiðið, athugaðu með þitt.

Nánari upplýsingar í síma 8996917 og hjá bjorg@stilvopnid.is 

Skráningarformið finnurðu neðst á þessari síðu

UMMÆLI UM NÁMSKEIÐ STÍLVOPNSINS

GJAFAKORT FÁST HÉR (tölvupóstur)

 KENNSLUÁÆTLUN

Ritsmiðja 1 (fös. 20. mars 18:00-22:00): Hrist er upp í hópnum og heilasellunum. Uppbygging greina á mismunandi miðlum skoðuð. Þátttakendum hjálpað að skilgreina þau viðfangsefni sem þeir kjósa að skrifa um, finna á þeim fleti og afmarka lesendahóp sinn. Ákveðnar aðferðir notaðar til að byrja að skrifa drög að grein.

Ritsmiðja 2 (lau. 21. mars 10:00-14:00): Fjallað um einkenni góðra skrifa; málfar og stíl, efnisval og efnistök, uppbyggingu og lengd. Ólíkar ritunaraðferðir kynntar og prófaðar. Rætt um æskileg hlutföll staðreynda, skoðana, reynslusagna og tilfinninga í skrifum sem ætluð eru ólíkum hópum og um mismunandi áherslur miðlanna. Stuttar æfingar skrifaðar jafnt og þétt og ræddar í hópnum.

Ritsmiðja 4 (sun. 22. mars 10:00-14:00): Rætt um öflun heimilda og ólíka notkun þeirra í mismunandi miðlum. Rætt um möguleika á birtingu og hvernig hægt er að undirbúa sig fyrir viðbrögð lesenda. Í námskeiðslok eru drög þátttakenda að greinum rædd á gagnrýninn en uppbyggilegan hátt.

KENNSLUMARKMIÐ

  • að færni þátttakenda við að koma þekkingu sinni og skoðunum á framfæri í rituðu máli aukist
  • að leikni í að skilgreina og afmarka viðfangsefni aukist
  • að fólk átti sig á hvernig nálgast má skrif á ólíkan hátt
  • að fólk sé viðbúnara ólíkum viðbrögðum lesenda
  • að sjálfstraust þátttakenda á sviði ritunar aukist
  • að lesupplifun dýpki

SKRÁNING OG GREIÐSLUUPPLÝSINGAR

Skránng hér að neðan. Athugaðu að sætið er ekki tryggt fyrr en greitt hefur verið fyrir það námskeiðsgjald að upphæð 35.000 kr. á reikning Stílvopnsins: 0133-26-580815. Kennitala: 580815-1380 eða með greiðslukorti

Verð fyrir félagskonur FKA 29.750 (má greiða á reikning eða með greiðslukorti 

Greiðslukvittun er afhent í upphafi námskeiðs en fyrr ef þátttakandi óskar.

 

 


Hvenær?
Date(s) - 20.3.2020 - 22.3.2020
0:00

Hvar?
ReykjavíkurAkademían

Skráning


Scroll to top