Skapandi nytjaskrif – vefnámskeið þegar þér hentar!
41.900 kr.
- 16 klukkustunda vefnámskeið sem þú vinnur á eigin hraða þá 6 mánuði sem þú hefur aðgang.
- Þú finnur þína eigin leið til að skrifa um heiminn – og ná til lesandans.
- Fara má skipulega í gegnum efnið eða ferðast um vefinn eftir áhuga og skrifa sér til skemmtunar.
- Fyrirlestrar, dæmi og fjölbreyttar æfingar.
- Hafðu samband ef eitthvað er óskýrt og fáðu endurgjöf á einn textanna.
- Björg Árnadóttir, ritlistarkennari, rithöfundur og blaðamaður kennir.
- Verð: 41.900 kr. Flest stéttarfélög niðurgreiða.
Nánari upplýsingar: s. 8996917 / bjorg@stilvopnid.is
Skráning og greiðslur
Opið er fyrir skráningu (blái hnappurinn). Vefurinn opnast fljótlega eftir að greitt hefur verið:
0133-26-580815 / kt. 580815-1380 eða með greiðslukorti
Nánari lýsing
Um námskeiðið
Við höfum öll eitthvað að segja um veruleikann. Við búum yfir þekkingu, reynslu, skoðunum og sögum – en hvernig komum við því þannig á blað að aðrir vilji lesa?
Skrifað um veruleikann er hagnýtt ritlistarnámskeið fyrir þau sem vilja verða betri í að skrifa um það sem þau vita, hugsa og upplifa. Þú lærir að skerpa hugsunina, finna sjónarhorn og koma efninu frá þér á skýran, lifandi og aðgengilegan hátt.
Við vinnum með fjölbreytt form skrifa um raunveruleikann: fréttir og frásagnir, greinar og pistla, ræður, ferðaskrif og hugleiðingar. Þú getur skrifað um eigin reynslu og áhugamál, miðlað sérþekkingu eða komið skoðunum þínum á framfæri. Námskeiðið hentar því jafnt þeim sem skrifa sér til ánægju og þeim sem þurfa að miðla þekkingu eða hugmyndum til almennings.
Umsagnir
,, Skrifað um veruleikann er afar gefandi námskeið og fjölbreytileg viðfangsefnin nytsamleg og skemmtileg. Frábærar leiðbeiningar Bjargar hjálpuðu mér við úrlausn verkefna og hvöttu mig til frekari dáða við skrif mín!“
Ingibjörg Rannveig Guðlaugsdóttir (Skrifað um veruleikann, 2025)
,,Ég hef sótt nokkur námskeið Stílvopnsins og alltaf kemur Björg mér á óvart með nýrri innsýn í heim hins ritaða máls. Námskeiðið Skrifað um veruleikann hefur reynst mér mjög gagnlegt í lífi og starfi. Ég er enn að melta yfirgripsmikið efnið en tek eftir að ég lít umhverfið öðrum augum eftir að ég fór að skrifa um það. Einnig er gagnlegt að læra að sníða skrif sín að ákveðnum miðli og markhópi, að leita heimilda og nota þær og að velja orðin þannig að þau hitti í mark. Og jafnvel þótt samskiptin á hinum námskeiðunum séu gjöful er líka gott að upplifa þetta fjarnámskeið í einrúmi.”
Guðrún Ólafsdóttir (Skrifað um veruleikann, 2024)
